كوسة محمرة بالبيض والجبنة الشيدر المبشورة اللذيذة

المقادير (كمية تكفى وجبتين)

500جم كوسة
60جم زبدة
4 بيضات كبار
100جم جبنة رومى او شيدر مبشورة
4 حبات طماطم
2 حبة فلفل رومى اخضر
ملح وفلفل
الطريقة

نغسل الكوسة ونقطعها حلقات رفيعة
نضعها مع الزبدة والملح والفلفل فى حلة على نار متوسطة ونغطى الحلة حوالى 15 دقيقة – نقلبهم خلالها مرتين ثلاثة حتى تحمر الكوسة
نقطع فى طبق الطماطم مكعبات متوسطة والفلفل الرومى قطع صغيرة
بعد ما تحمر الكوسة وتبقى طرية نطفى النار
نكسر البيض ونصبه فى الحلة مع التقليب السريع – ونضيف ايضا الجبنة المبشورة – الكوسة والزبدة السخنة كافيين لتسوية البيض وتطرية الجبنة بدون نار عشان عايزينهم طراى
نضيف الطماطم والفلفل الرومى للحلة ونقلب الكل مع بعض
تقدم ساخنة مع اوراق الجرجير الطازجة
الطبق دة لذيذ ومشبع – وممكن ناكله كفطار – ولو غدا او عشاء ممكن نعمل جنبه قطعتين برجر مشوى (اضغط هنا للطريقة)

والف هنا وشفا