جددى العلاقه بعد فتره طويله

سافروا كل واحد مع صحابه و تتقابلوا على البحر او تخرجوا كلكوا بليل سوا ….. ده هترجعوا سنين ورا (و متخافيش من الخيانه لانه لو

عايز .. هيعملها فى اى حته و فى اى وقت)

لو انت مش شككاكه بطبعك و حسيتى ان فى حاجه غلط .. اكلمى معاه بوضوح و بصراحه … ابسطها هيبان على رد فعله … مترقبيهوش او تغلطى نفسك

شوفى نشاط هو بيحبه و اعرفى ممكن تتعلموه فين سوا (رياضه فى النادى او معرض رسم او اماكن تعليم جيتار )

شوفى فريقه المفضل و يوم الماتش البسى تيشيرت الفريق و زينى البيت بالوانه و حضرى فشار و خليه يتفاجئ

لازم تبقوا اصحاب و يكون عندكوا اصحاب كتير مشتركين بس ميدخلوش فى تفاصيل حياتكوا

غيرى فى شكلك و لبسك و برفانك, لو محجبه اعمليله الوان مجنونه … و متخديش رأيه لانه هيخاف يزعلك و يحسسك ان شكلك كده مش عاجبه

حاولى انت تعرفى بيحب الوان و اشكال ايه بذكاء و مكر

اياكى و الغيره الزياده … اولاً دليل كبير على قله الثقه بالنفس … ثانياً جسم الانثه ده غريزه اساسيه عند الراجل .. زى اللبس عندنا “لازم نبص و نقول رأينا حتى لو مش عاجبنا” لو مش بيبص على واحده حلوة و انت موجوده اعرفى انه بيعملها و انت مش موجوده “مش شرط فى كل الاحوال فى رجاله فعلاً شبعانه”و مش لازم يكون بيبص عشان عايزها ولا فى دماغه … بس دى اشارات مخه بيبعتهاله .. خليكى ذكيه

اعترفى بجمال الاَخريات …. لان انتى احلى من كتير بس فيه الاحلى منك .. و من وسط كل دول هو اختارك انتى …. بلاش تنتقدى اى واحده قدامه لان دى

برضه علامه كبيره اوى على قله ثقتك بنفسك …..

خليكى مثقفه واثقه فى نفسك و نظيفه  على طول …… اهم عنده من شكلك و جسمك و اى حاجه تانيه