شن الإعلامي يوسف الحسيني، مقدم البرامج بقناة ”أون تي في”، هجومًا عنيفًا على وزير التنمية المحلية، اللواء أحمد زكي عابدين، بسبب هجومه على الإعلامية ريم ماجد، مساء أمس، حينما سألته عن أصداء قرار إغلاق المحال التجارية والمقاهي في العاشرة مساءً، وتأثيره على المجتمع المصري.
وقال الحسيني في مقدمة برنامجه ”صباح أون”، اليوم: ”امبارح في برنامج بلدنا بالمصري تقديم الإعلامية ريم ماجد وكانت بتتكلم عن موضوع إغلاق المحلات الساعة 10 مساءً، وكان في مداخلة تليفونية مع السيد وزير التنمية المحلية وسألته عن الناس اللي بتشتغل في المحلات بليل وكان رده عليها لما تتعلموا إزاي تتكلموا يبقى كلموني وراح قافل السكة في وش ريم”.
وأضاف الحسيني: ”بصراحة إحنا منعرفكش، منعرفش إنجازاتك، إيه إنجزاتك على التناكة دي اللي أتكلمت فيها مع ريم”، مضيفًا: ”باعترافك أنت لسه ماشي على الخطة الخمسية اللي وضعها حسني مبارك وأن مشروع النهضة مجرد فكرة، وأن الخطة الخمسية كانت جيدة جدًا”.
وتابع الحسيني: ”يجب على أي وزير أن يعي الآتي، أنت خادم الشعب وخادم لهذا الوطن عشان الناس بتدفعلك مرتبك عشان إنت تشتغل، ومن حقنا نسألك عن حقوقنا بأدب وإنت تسمع وبأدب وترد بأدب، وإنت مجبر على الرد، ولو مش عارف الكلام ده قدم استقالتك، لو مش واعي إمشي، فهمت؟”.
واختتم الحسيني خطابه للوزير، قائلاً: ”ومن الأخر كده أنا لا أثق في حد بيصبغ شعره أو بيلبس باروكة”.
Comments are closed.