قالت الكاتبة الصحفية المصرية نوارة نجم إن قرار وزارة الداخلية بإزالة ملصقات: «هل صليت على النبي»، وكذلك إعلان وزارة الشباب والرياضة مكافحتها لما وصفته بـ «ظاهرة الإلحاد» في مصر، ما هو إلا محاولة منهم لإشغال الناس عن مطالب الثورة الأساسية: «العيش والحرية والعدالة الاجتماعية.
نوارة قالت متعجبة: «هي الناس عايزة تشغل نفسها في اي هري وخلاص؟ الحاد ايه اللي بقى ظاهرة وعايزين يحاربوها؟.. قضايا مفتعلة عشان الناس تنشغل بالهري والكلام الفارغ عن العيش والحرية والعدالة الاجتماعية زي أيام مبارك.. على فكرة الناس دي مش ناوية تشتغل، مدام قاعدين يحاربوا في ورقة صلي ع النبي والالحاد يبقى مقضينها كاندي كراش».
وأضافت: «ورقة مكتوب عليها صلي ع النبي عملوها مؤامرة اخوانجية وبيكافحوها؟ اقطع دراعي انهم هم اللي لازقينها عشان يحاربوها.. ودلوقت قرروا مع نفسهم إن الإلحاد بقى ظاهرة ومحتاجة مكافحة!!.. ورصدوهم ازاي عدوا اللي بيسبوا الدين؟ وحيحكموا على نجاحهم ازاي؟ لما الناس تلزق ورقة صلي ع النبي فيشيلوها.. طب صلوا ع النبي.. زيدوا النبي صلاة.. أنا بقول الإخوة الملحدين يصلوا ع النبي كده وما يعملولناش مشاكل في البلد».
وتابعت إنها تشعر أن المسئولين يريدون أن يفعلوا بالشعب ما فعله الفنان محمود ياسين مع الفنانة سعاد حسني في فيلم «أين عقلي»، حيث كتبت– على حسابها الخاص على موقع «الفيس بوك»-: «انا حاسة اننا في فيلم “اين عقلي” وإحنا سعاد حسني.. الناس تصلي ع النبي يمنعوهم يلحدوا يكافحوهم.. في فيلم أين عقلي، محمود ياسين كان بيقرا كتاب “كيف تصنع مريضا عقليا” واضح ان ده المانويل اللي بيشتغلوا منه دلوقت».
Comments are closed.