مرسي وتامر حسني نجوم تعليقات “تويتر” على زواج نوارة! شاهدوا اطرف التعليقات على زواج نوارة نجم

أثار خبر عقد قران الناشطة السياسية نوارة نجم على محمد حسن أحد ثوار مدينة السويس المعروفين الكثير من الفرحة والسعادة المصحوبتين بالسخرية بين زوار موقع “تويتر” للتواصل الاجتماعي الذي يعتبر معقل نوارة في العالم الافتراضي.

ومن المعروف أن نوارة التي تقترب من عامها الأربعين أحد أهم النشطاء السياسيين الذين لديهم صولات وجولات سواء في الواقع أو العالم الافتراضي على “تويتر” ، إذ أن لها أكثر من 400 ألف متابع لحسابها ويعتبرها البعض الأكثر نشاطا على “تويتر” في مصر كلها.

وجاء خبر عقد قرانها الجمعة وانتشار صور عقد القران كخبر سار بين رواد “تويتر”، لكن هذا الخبر زاد من التعليقات سواء المهنئة أو الساخرة بشأن مظاهر عقد القران أو ملابس العروسين وكذلك المقارنة بينهما من حيث عدد المتابعين لحسابهما على “تويتر”.

كما تم الزج باسم الرئيس محمد مرسي في التعليقات على اعتبار أن نوارة من أشد المعارضين لجماعة الإخوان المسلمين، لكنها في نفس الوقت مؤيدة لبقاء مرسي حتى نهاية مدته، وكذلك جاء ذكر الفنان تامر حسني الذي سبق نوارة بأيام وتزوج.

وفي المساحة التالية نوضح أطرف التعليقات على عقد قران نوارة ومحمد حسن الذي يبدو من الصور أنه أصغر منها سنا، وأقل شهرة ما حدا بالبعض للدعاء له أكثر منها ، فنرى التعليقات

تامر حسني يتجوز بنت و نوارة نجم تتجوز راجل !!! رايحة على فين يا مصر**

نوارة نجم اتجوزت ولسة بتقولوا الثورة ما حققتش اهدافها؟؟؟**_

هى الثورة دى كانت قايمه اصلا عشان نوارة نجم واسماء محفوظ يتجوزوا**_:D

 وده بقى تعليق الناشطة اسماء محفوظ…

**من احلى الاخبار الحلوة اللي سمعتها الفترة اللي فاتت … جواز نوارة :-)ربنا يسعدهم ياااااارب

وتعلقات اخرى للشباب والبنات على تويتر مثل

مرسي ده محظوظ وأمه داعية له .. حتى نوارة نجم تزوجت .. فاضل الفاتنة رشا عزب ويستريح من دوشتهم وينفرد بحكم مصر**

نوارة نجم اتجوزت…و احنا قاعدين** 😀

حال بنات مصر دلوقتي : طلعت فوق السطوح هز الهوا كمي.. نوارة نجم هتتجوز و أنا قاعدة جنب أمي** !

فعلا ..صدق مرسى ..سستتغير مصر فى مائة يوم …وأهم التغيرات فى ال100 يوم إن نوارة أتجوزت :))))” وتامر حسني برضه**

عروسة ناشطه (نوارة) وعريس ناشط (محمد حسن )ومأذون ناشط (مالك عادلي) وشاهد ناشط (مالك مصطفي) ..فرح كله نشاط..هوب هوب**‎:) ‎

نوارة نجم اتجوزت … وانا الى كنت عايزة اجوزها لاي واحد قريبي طمعا” فـ الـ 400 الف فلورز بتوعها .. لكن تقول ايه محمد حسن اخد الجمل بما حمل**

نوارة نجم اتجوزت واحد عنده 1700 فولورز بس .. مش من مستواكي دا يا نوارة** …

بعد عقد قرانه على نوارة نجم,الرئيس مرسى يصدر قرارا بتكريم الناشط محمد حسن ومعاملته كأحد مصابى الثورة

نوارة أتجوزت ؟ تاني ؟ هي مش كانت أتجوزت الإسبوع اللي فات ـ مبروك ياأوشة ـ أنا بأفضل شخصية أوشة عن نوارة وبالرفاء والبنين وعقبالنا جميعاً ‎:)‏

من انجازات مرسي جواز نوارة نجم و تامر حسني … يعني كل واحد وواحدة يلحق نفسه و يتجوز اليومين دول ف عهد مرسي ما نضمنش بعد كده ‎:-D‏

محمد حسن جوز نوارة نجم قبل الجواز كان 1200 فلورز وكنت انا اكتر منه دلوقتي بقى 2500!! في ساعتين ..اللهم لا حسد ‎:D‏

هو جوز نوارة نجم بيشتغل ايه ؟ مروض اسود ؟**

نوارة نجم تزوجت و ناس كثير بيسخروا من الموضوع مش فاهم ليش و كأن السعادة لا تصلح لها**

مش مصدق إن نوارة نجم أتجوزت دى ف حد ذاتها معجزة يجب التوقف امامها ………. ألف مبروك**

هى نوارة كانت حاطه عينها على تامر حسنى ولا ايه أول ما اتجوز راحت هى كمات متجوزة … أما عجيبة بشكل**

بنات كتير عمالة تقول نوارة نجم إتجوزت يبقى أكيد إحنا كمان هنتجوز.. ما يا بنتى إنتى وهو أختكوا تامر حسنى إتجوزت إمبارح ماقولتوش كده ليه ؟؟**

الجواز ملوش كبير : نوارة نجم تلاقي عريس وتتجوز و إيثار الكتاتني تتجوز ابن ممدوح شاهين .. الدنيا مليانه عجايب**

سبحان الله.. اللي بيحب نوارة و اللي مش بيحبها فرحانين لجوازها! أكيد البنت دي قلبها أبيض**.

مع احترامي لنوارة بس اللي يتجوز نوارة ده لازم يكون انتحاري و انتحر قبل كده خمس ست مرات على الاقل**

حاولوا ماتقولوش جوز نوارة جة .. جوز نوارة راح .. جوز نوارة قال .. هو انسان و لا نقلل منة مهما كانت شهرة زوجتة**

اعتقد ان زواج نوارة نجم من اهم مكاسب الثورة لغاية دلوقتي**

طبعا اي حد عايز يعكنن نوارة دلوقتي يقولها شوفتي بقا بركات مرسي, اديكي اتجوزتي اهو :))) ماحدش يقولها كده والا هتبقى وقعتوا سوده**

 واللى ماشافوش صور كتب كتابها.

تعالو هنا هتلاقوا صور كتب كتاب نوارة نجم