بالفيديو.. “طنط زيزي” تفتح ملف قضايا التحرش من جديد بسرد قصة ماساوية اخرى

بقلم : شيماء محمود

طنط زيزي تفتح ملف قضايا التحرش من جديد بسرد قصة ماساوية اخرى ومازلنا في انتظار الرد من المسؤولين….؟

ظاهرة التحرش الجنسي ظاهرة لم ولن تنتهى ابدا مازال الملف مفتوح ورد فعل الناس مازال سلبي لاتغيير بل اصبحت الظاهرة اخطر بكثير عن ذي قبل … والسبب رد فعل الناس وبالاخص الرجال الذين يهاجمون المرأة بتشدد ….

فحوالى 83% من النساء يتعرضن للتحرش الجنسي سواء فى الشارع او فى المواصلات …

اصبح فى كل مكان وفى اى وقت يحدث التحرش الجنسي بأنواعه بالالفاظ باللمس واكثر من ذلك ….

حتى بعد ثورة 25 يناير اصبحت ظاهرة التحرش الجنسي فى ازدياد …هل لعدم وجود امن او امان .. ولا لعدم وجود توعية او عقاب للمتحرشين ……… ؟؟؟ الاسئلة مازالت موجود والاجابات مازالت مجهولة ………

وياترى ايه اللى بيحصل فى المدارس المشتركة ؟؟؟؟

” طنط زيزي ” تروي لكم تفاصيل حادث تحرش جنسي واعتداء بالضرب على فتاة غير محجبة  حدث يوم الخميس الموافق 17/1/2013  فى ميدان الحصري …..حكاية تثير استياءنا جميعا … حكاية تؤكد انه لاتغييير والتفكير الذكورى المتشدد مازال موجود ….. اليكم تفاصيل الحادث …. ترويها صاحبة الحادثة ” اسماء حسين ” تعمل مساعد مهندس ديكور وفى طريقها لمدينة الانتاج الاعلامي …..

ابتدي الموضوع معاها بالتحرش المادي باللمس وواجهت هذا بانها ضربت الشاب اللى عمل معاها كده …

فقام الشاب بالتعدي عليها بالضرب كرد فعل منه ايضا …. ولكن ضربه كان أعنف مما تسبب لها بنزيف وجروح بالوجه لكنها لم تستلم لهذه الالام .. وعندما رأي الشاب الدم كان يريد ان يفر هاربا لكنها أمسكت به جامد واتصطدمت من رد فعل الشارع المصري ….

وفوجئت بزحمة حوالى 12 رجل وفتاتان ووجدت الرجالة بيقولوا ليها سيبيه واحكلنا … وجه رجل بدقن حاول يمسكها جامد ويضغط على ايديها عشان تحاول تسيب المتهم لكنها اصرت متمسكة بيه وقالت للرجل الملتحي ” سيبنى  مين انت عشن تمسكنى كده ” وكانت على اعصابها…
وهناك رجل اخر قال لها ” هناك كشك امن قعدى فيه لحد ما العسكري يبلغ الامن…”

ومحاولات الرجالة انها تسيبه فشلت مما دفع رجل بدقن ان بقول لها : ” اتحجبي الاول وبعدين اتكلمي “

والبعض قالها ” كل ده عشن خربوش ” ” هتضيعي مستقبله ”  ولما رفضت كلامهم قال رجل بدقن وجلابية للولد عور نفسك عشن تخلص من الليلة دى ” وبالفعل قام الولد بمحاولة كسر زجاج الكشك عشن يوجهلها تهمة واحدة بواحدة يعنى  لكنه فشل فى اصابة نفسه…… الخ …. مفكروش ليه الناس دى ان الولد نفسه مش خايف على مستقبله والا مكنش عمل كده …..

ورغم عدم وقوف حد بجانبها والكل ضدها ماعدا فتاة زميلة ليها وزميل ليها وقفوا معاها ….وساعدوها …

البنت حست فى الوقت ده انها بتواجه 100 رجل فتوترت واتعصبت واصرت اكتر على  موقفها وخدت الولد من قفاه من جامع الحصري لحد 6 اكتوبر مشي وهى فى نص الطريق لقت عربية شرطة طالعة فى مأمورية فوقفتها وطلبت منها انها تاخد المتهم لقسم 6 اكتوبر وفعلا راحوا قسم اكتوبر ودخلت رغم محاولات امين الشرطة انهم يحلوا الموضوع سلمي ويعتذر الولد وكل واحد يروح لحاله لكنها رفضت بشدة وعندما دخلت القسم لقت تحول 180 درجة وسئلوها انتى عاوزة ايه قالت ليهم عاوزة اعمل محضرين محضر بالتعدي بالضرب ومحضر تحرش جنسي وفعلا تم حبس الولد وجت اليوم التالى عشن ياخدوا اقوالها وطالبت ايضا بعمل تقرير طبي تانى يوم الحادث لاحساسها بالالام التى تعرضت لها …. اثر التحرش المادى …
ويبقى السؤال .. متى ستنتهى ظاهرة التحرش الجنسي ..؟؟

ومن هم المسئولين عن ذلك …….؟

التغيير الوحيد الذى حدث بعد الثورة ان مفيش واحدة هتسكت عن حقها ابدا …….. ولن تتنازل عن موقفها ابدا …….