حل الإعلامي المصري أكرم حسني ضيفا على الإعلامي خيري رمضان في حلقة أمس من برنامجه «ممكن» على قناة الـ «CBC»، وكان متقمصا شخصية «سيد أبو حفيظة»، وقام بمناقشة الأمور السياسية بسخرية شديدة.
حسني قال إنه لو أصبح رئيسا للجمهورية القرار الوحيد الذي سيتخذه هو أن يعطي الفن حقه، حيث قال: «الفن يقدر يغير البلد بالكامل، أنا لو مسكت رئيس جمهورية هكلف فنان بتشكيل الوزارة وهو الفنان حمدي الوزير، تركيبة اسمه تغنيه، هو تكنوقراط لوحده، ده من يوم ما اتولد وهو وزير».
وأضاف: «هندمج السياحة مع الصحة وتمسكها آثار الحكيم، ما هي آثار وحكيم، وزارة العدل نجيب سامي العدل أو مدحت العدل، عبد الرحمن أبو زهرة ده ميمسكش الزراعة؟!، ده أبو زهرة يعني هيخليهالك جنة، ونمسك أحمد الفيشاوي الكهرباء، أتحداك لو النور قطع ده بتاع فيش أصلا، وكل دول مش هيحلفوا اليمين قدام حمدي الوزير، لأ هيحلفوا قدام نبيل الحلفاوي، دي حكومة تكنوقراط يا جماعة».
ثم قال إنه يرى أن هناك من هو أجدر منه بمنصب رئيس الجمهورية ، حيث قال: «هناك من هو أجدر مني، الأوضاع اللي في البلد لازم يمسكها حد قوي وله موقف، ويقدر يجمع الناس، ودي تنطبق في واحد بس هو السبكي، لأنه هو الوحيد اللي عارف الناس عايزة إيه، لكن لو مرشحش نفسه هختار مرتضى منصور، أنا أصلي ليا صورة بهوت شورت في جمصة، وأنا عريض من فوق ورجليا رفيعة جدا، انت يرضيك يتشه ربيا والصور دي تنزل، أبوس إيدك يا سيادة المستشار أنا مش حمل رجليا تبان».
Comments are closed.