اسئلة واجوبة عن حبوب البشرة والهالات السوداء

إزاي أقدر أعالج الحبوب.. وإمتى أعرف إني لازم أروح للدكتور؟

الحبوب دي بتبقى مزعجة جدا لكل البنات والشباب، ودي فيه منها أنواع كتيرة؛ فيه حبوب صغيرة، وفيه حبوب تحت الجلد، وفيه حبوب بتبقى كبيرة وعاملة زي الدمامل ودي بتبقى مؤلمة أوي، وبتحتاج لعناية فائقة جدا ومتابعة لحد ما تتعالج، ومن الحاجات المهمة أوي هي الاهتمام بالنظافة الشخصية، وأهم حاجة لازم نغيّر الملاية يوميا أو على الأقل نغيّر كيس المخدة علشان لو فيه يوم كان وشنا فيه مشكلة ماتتنقلش تاني يوم، وتاني حاجة نغسل وشنا بغسول أو صابون يكون فيه نسبة طين مغربي أو أردني، وده بيساعد على إزالة الحبوب ومفيد لأي نوع بشرة فيها حبوب، كمان ممكن تستخدم أي نوع صابون فيه أعشاب زي الروزماري، وإن شاء الله هنقدّم لكم طريقة عمل صابون بالأعشاب.

الماسكات اللي باستخدمها بشكل يومي هل أحطها مع بعض؟

أعمل إيه مع مشكلة الهالات السوداء؟

الهالات السوداء طبعا ليها طقوس زي إننا ننام بدري، ونقلّل من شرب القهوة والنسكافيه والسجاير طبعا، بس طبعا كلنا مابنقدرش نعمل الطقوس دي أو نبطّلها، والحاجة الفعّالة والسريعة هي إننا نشرب مية كتير، ونشرب عصاير فريش كتير، ومن الماسكات اللي ممكن نعملها هي عصير الخيار، ودي من الحاجات الهايلة جدا لعلاج الهالات السوداء، ودي بنحطّها مرتين في اليوم؛ سواء شرايح أو خيار مبشور أو عصير خيار لمدة ربع ساعة، بس لازم نراعي إننا نغيّرها كل 5 دقائق، كمان من الماسكات اللي ممكن نعملها إننا نخلط مقادير متساوية من زيت الجوجوبا أو زيت جنين القمح، ونحط منها مسحة بسيطة جدا تحت العين فقط، ودي هنحط منها يوميا قبل النوم، والماسك ده هايل؛ لأن زيت الجوجوبا بيحتوي على نسبة كولاجين عالية، ودي اللي بتعالج الهالات السوداء، كمان جنين القمح من الزيوت اللي فيها نسبة عالية من فيتامين E، ودي بتساعد على إزالة الخطوط الرفيعة تحت العين، وبتعمل نضارة لمنطقة العين.

أنا دايما بانصح إننا نشتري الزيوت المعبّأة في زجاجات صغيرة، ودي بيكون مكتوب عليها تاريخ الصلاحية وبنجيبها من عند العطار، وبالنسبة لزيت الجوجوبا فهو بيكون مش دهني أوي زي السيرم كده، وبتكون رائحته خفيفة أوي، وبالنسبة لزيت جنين القمح فهو بيكون رائحته أشبه برائحة تدخين القمح، وبيكون ملمسه زيتي زي باقي الزيوت.

المصدر : بص وطل