استنكر الإعلامي المصري إبراهيم عيسى الإعلان عن تعيين شباب مساعدين للوزراء وللمحافظين، مؤكدا على أن ذلك يشير إلى أنهم لا يفهمون الشباب وليس لديهم النية لفهمهم.
عيسى قال –في برنامجه «25- 30» على قناة «أون تي في»-: «إذا كنتم بتعملوا ده علشان بضعة عشرات موجودين على النت يرضوا عنكم، فنأبكوا على شونة، ويبقى أنتوا فعلا بتتصرفوا كالعجائز وأعضاء دار المسنين اللي مش فاهمين أحفادهم، وتبقوا لا فاهمين العيال دي ولا ناويين تفهموهم».
وأضاف إنه من الخطأ الإتيان بشباب ليس لديهم خبرة في العمل ويتم تعيينهم مساعدين للوزراء، في حين يوجد شباب يعملون داخل الوزارات منذ عدة سنوات، ولديهم دراية بسياسات الوزارة ومشاكلها ولا يتم تعيينهم، وقال: «ما تاخد ده ترقيه وتكبره وتدربه، ولا هو لازم يطلعلك في مظاهرة أو يطلع في التليفزيون ويتكلم عن تمكين الشباب، هو القرع يمد لبره؟، هو الخيابة والابتزاز وصلوا للدرجة دي؟».
وتابع: «انتوا بتستهبلوا على فكرة، ولو فاكرين اللي بتعملوه ده كويس تبقوا مبتزين، ومش فاهمين يعني إيه تأهيل شباب، إيه اللي بتهببوه ده؟، انتوا على فكرة بتفسدوا الولاد دول، لأنكم بتحطوهم في منطقة غلط»، وحذر الرئيس ورئيس الوزراء، قائلا إن هذه الإجراءات ليست سليمة، وستعود بسلبيات شديدة، على حد قوله.
Comments are closed.