تناول الإعلامي أحمد موسى، اليوم السبت، ما حدث بمائدة إفطار اسكندرية، من قطع عدد من الأهالي لطريق الكورنيش بعد أن تم اكتشاف أن مائدة الإفطار التى من المقرر أن تدخل موسوعة جينيس ليست مخصصة لهم ولكنها لعدد من الشركات وعمالها.
وأضاف موسى، خلال برنامجه «على مسئوليتي»، عبر فضائية «صدى البلد»: «مش دول أبدًا أهل اسكندرية، مش دول أبدًا المصريين، عمرنا ما كنا كده، إحنا رجالة وجدعان، وما حدث لا يليق أبدًا بنا»، متابعًا: «إيه العظمة في مائدة كبيرة زي دي؟ هو إحنا فاضيين للترف ده؟ وبعدين إنتوا عازمين الناس علشان تهينوهم، لو مش قادرين تنظموا يبقى بلاش».
وأكمل: «استفدنا إيه بقى؟ عايزين نُبهر العالم يبقى باحترام وكرامة، أنا بعتذر لكل مواطن تعرض للإهانة بسبب هذه المائدة، كلكم على دماغي، وأنا آسف لكم، إنتوا ناس محترمين جدًا، ما كان يصح أبدًا أن تحدث هذه الإهانة»، موجهًا حديثه لمحافظ الاسكندرية هاني المسيري: «فين النظام يا سيادة المحافظ؟ إيه المهزلة دي؟ هو ده من ضمن انجازات حضرتك يعني؟ الكلام ده كله مش هيخيّل علينا، الرئيس مش عايز غير شغل وبس»
Comments are closed.