نجحت الإعلامية المصرية ريهام سعيد في استفزاز الفنان أحمد راتب بشكل كبير، خلال استضافتها له في برنامج المقالب «قلبك أبيض»، الذي يذاع على قناة «النهار».
ريهام قالت لراتب، في محاولاتها لاستفزازه، إنها غير معجبة بأدائه التمثيلي، وأنه ينتمي لمدرسة قديمة في التمثيل، فقال لها راتب: «أنا أعتقد إنك مش بتتابعي التليفزيون، انتي مشغولة في برامجك والنكد اللي بتعمليه في «صبايا الخير»، وإحنا مش ناقصين نكد»، فردت الإعلامية بقولها: «أضعف حاجة في الدنيا لما فنان يلاقي إن اللي قدامه مش معجب به كممثل فيبتدي يهاجمه».
فانفعل الفنان وقال: «انتي أصغر كتير جدا من أنك تتكلمي عن أدائي، أنا اللي قال عني محمود مرسي كلام، وقال عني مفيد فوزي كلام، الدنيا كلها قالت إن ده عبقري، جاية انتي تقولي الكلام ده؟ انتي مين؟، ما هو العربجي بيشتم الباشا»، ووصفها بأنها «باردة وتلمة».
فقالت له ريهام أنها لن تستطيع أن تكمل معه الحلقة بهذا الشكل وخرجت من الأستوديو، طالبة من المنتج عدم إعطائه المبلغ المتفق عليه معه، فقال: «اجري العبي بعيد، انتي وفلوسك على جزمتي»، ثم عادت ريهام كاشفة عن المقلب، وقامت باحتضانه والاعتذار له.
Comments are closed.